गर्नुछ परिश्रमको खेती
बगाउदै श्रमको पसिना
श्रङ्गार्नु छ जीवनको यात्रा
गरी विकास देशको
बहन गर्दै काँधमा जिम्मेवारी
लिइ शिरमा आर्शिवाद
जगतको देवको ।
गगनमा चम्कने तारा झैँ,
चम्कनु छ भुवनमा
गर्दै वरण आदित्यका किरणहरुलाई
जलाइ शान्तिको दिप
चिनाउनु छ संसारलाई
तपोभूमि हो यो देवको ।
चिर्नु छ अन्धेँरीलाई
बनि मिरमिरे उषाका किरण
लम्काउदै कदम
नियाल्न सारा सौरजगतलाई
सर्वोच्च शिखरमा पुग्नु छ
बनी दुत शान्तिको
गराउँदै परिचय जन्मभूमि
हो यो शान्ति देवको ।
जगाउन चैतन्य मगजमा
फेर्नु छ नयनका ती दृश्यहरु
स्वच्छ पार्न पवनका वहनलाई
बदल्नु छ रोदनले भरिएको
इतिहासलाई
रुझाउँदै हर्षका नेत्रजलले ।
No comments:
Post a Comment